На пенсіянера ў Асіповіцкім раёне зваліўся 700-кілаграмовы бетонны блок
![На пенсіянера ў Асіповіцкім раёне зваліўся 700-кілаграмовы бетонны блок](/sites/default/files/styles/gallery_main/public/2023-08/asipoviczy-1608.jpg.webp?itok=iiM4L9wv)
Надзвычайнае здарэнне адбылося ў садовым таварыстве "Медык" у Асіповіцкім раёне 13 жніўня, паведамляе прэс-служба МНС.
У 14:39 ратавальнікам паведамілі, што 68-гадоваму пенсіянеру прыціснула руку бетоннай плітой. Высветлілася, што мужчына спрабаваў падняць 700-кілаграмовы бетонны модуль, а той абваліўся. Ратавальнікі вызвалілі яго з дапамогай гідраўлічнага аварыйна-ратавальнага інструмента.
Калі пенсянера агледзелі супрацоўнікі "хуткай", то высветлілася, што шпіталізацыя яму не патрэбная.
Меркаванай прычынай абвальвання называюць спарахнелае дно жалезабетоннага модуля.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.