У Мінску гарэў склад, загінуў мужчына
Прычына ўзгарання яшчэ высвятляецца / t.me/mchs112by/
Увечары ў пятніцу ў Мінску гарэў склад па вуліцы Селіцкага. Плошча ўзгарання складала 4000 квадратных метраў. На месцы працавалі 19 адзінак тэхнікі і больш за паўсотні ратавальнікаў.
Агонь паспеў знішчыць абсталяванне, сыравіну і гатовую прадукцыю (якую менавіта, не ўдакладняецца, але МНС паведамляла пра нейкія "пластыкавыя вырабы") на плошчы больш за 1200 квадратных метраў, пашкоджаныя сцены і металічны дах.
У складзе знайшлі цела загінулага 21-гадовага мужчыны.
Прычына ўзгарання яшчэ высвятляецца.
