На расійскім тэлеканале адмянілі паказ фільма "Удар уладай. Аляксандр Лукашэнка"
![На расійскім тэлеканале адмянілі паказ фільма "Удар уладай. Аляксандр Лукашэнка"](/sites/default/files/styles/gallery_main/public/2023-08/tvc-1804.jpg.webp?itok=V_OizAzw)
Расійскі тэлеканал ТВЦ адмяніў перадачу "Удар уладай. Аляксандр Лукашэнка", запланаваную на 18-19 красавіка, піша nn.by. Замест фільма пра беларускага кіраўніка ў тэлепраграме стаіць іншая перадача з цыкла "Удар уладай" — пра "герояў дэфолту" 1998 года.
Дарэчы, фільм пра Лукашэнку ў праграме суправаджаўся пазнакай "16+". У анонсе да яго гаварылася: "Усю сваю палітычную кар'еру ён кляўся ў любові да Расіі, але колькі праўды ў ягоных словах сёння".
Звычайна "выкрывальніцкія" фільмы пра беларускага кіраўніка расійскія каналы паказваюць падчас чарговага вітка канфліктаў паміж кіраўнікамі дзяржаваў.