Нападнік "Дынама" Тайлер Граавац названы найлепшым гульцом нядзелі ў КХЛ
Тайлер Граавац / hcdinamo.by
Нападнік мінскага "Дынама" Тайлер Граавац прызнаны найлепшым гульцом нядзелі ў Кантынентальнай хакейнай лізе, паведамляе ХК "Дынама-Мінск" у панядзелак.
"Нападнік мінскага "Дынама" Тайлер Граавац упершыню ў КХЛ закінуў дзве шайбы, атрымаў 73% галасоў заўзятараў і быў прызнаны найлепшым гульцом дня", — гаворыцца ў паведамленні.
Такім чынам, у 18 матчах КХЛ Граавац набраў 14 (4+10) балаў.
Як паведамляла Еўрарадыё, у нядзелю мінскае "Дынама" перамагло "Адмірал" з Уладзівастока з лікам 3:2. У выніку клуб падняўся на другое месца ў Заходняй канферэнцыі. Граавац закінуў дзве шайбы на 3-й і 42-й хвілінах матчу.
Наступным супернікам мінчукоў будзе казахстанскі "Барыс", гульня пройдзе ў Мінску 19 кастрычніка.
