“Народныя дэпутаты” забралі льготныя талоны ў мінскіх студэнтаў

У Мінску каля будынка Нацыянальнай бібліятэкі “народныя дэпутаты” забралі льготныя талоны ў студэнтаў. Флэш-моб, наладжаны кампаніяй “За свабоду”, прайшоў 16 снежня, напярэдадні адмены ў Беларусі льготаў. Талоны ў студэнтаў прымалі двое ўдзельнікаў акцыі з шыльдамі “Народны дэпутат”. Узамен яны выдавалі моладзі маскі з вушамі зайцоў, моркву і капусту.

Хлопцы і дзяўчаты начаплялі маскі і грызлі гародніну. Пасля яны вадзілі карагоды вакол елкі, усталяванай каля бібліятэкі, паведамляе Радыё Свабода.