"Нёман" выйграў у "Бальцана" ў адборы Лігі канферэнцый
У атацы Павел Савіцкі / t.me/fcneman/
Гродзенскі "Нёман" выйграў у "Бальцана" з Мальты ў 2-м раўндзе адбору футбольнай Лігі канферэнцый — 2:0. Галы забілі Павел Савіцкі (55-я хвіліна) і Сяргей Карповіч (85). Матч прайшоў у Венгрыі на нейтральным полі.
Гульня ў адказ адбудзецца 1 жніўня на Мальце.
БАТЭ ў 2-м раўндзе адбору Лігі чэмпіёнаў разгромна прайграў на Кіпры "Арысу" — 2:6. 1 жніўня каманды згуляюць у Венгрыі. Барысаўчан чакае 3-ці раўнд адбору Лігі Еўропы і пераможца пары "Шэрыф" (Малдова) — "Макабі" (Хайфа, Ізраіль). У першым матчы "Шэрыф" выйграў з лікам 1:0.
