Па бязвізавым рэжыме Беларусь сёлета наведалі больш за 54 тысячы замежнікаў
У 2017 годзе Беларусь па бязвізавым рэжыме наведалі больш за 54 тысячы замежнікаў. Такую лічбу назвала кансультант Дэпартамента па турызме Міністэрства спорту і турызму Марына Масташова, перадае БЕЛТА.
Па яе словах, замежныя турысты ў Беларусь ехалі з 67 краінаў свету. "Большая частка тых, хто прыехаў, — грамадзяне Германіі, больш за 8 тысяч чалавек", — удакладніла Масташова.
Бязвізавы рэжым для замежных турыстаў у Беларусі пачаў дзейнічаць з пачатку года. замежнікі могуць наведваць нашу краіну на працягу пяці сутак без візы, калі прыляцяць праз Нацыянальны аэрапорт "Мінск". Гэты рэжым распаўсюджваецца на грамадзян 80 краінаў свету.
