Пачаўся суд над маладзечанскім "мінёрам"
31-гадовы мужчына абвінавачваецца ў заведама непраўдзівым паведамленні аб падрыхтоўцы выбуху, а таксама ў іншых злачынствах.
Нагадаем, здарэнне адбылося ў верасні мінулага года. Зламыснік разаслаў у школы Маладзечна па пошце лісты, якія ўтрымлівалі звесткі аб мініраванні. Ён патрабаваў 10 тысяч долараў, каб бомба не ўзарвалася і не загінулі дзеці. Ва ўсіх школах адбылася эвакуацыя, будынкі правяралі спецыялісты і нічога падазронага не знайшлі.
У выніку праваахоўнікі затрымалі зламысніка, рабочага адной з мясцовых будаўнічых фірмаў. Ён з помсты спрабаваў скампраметаваць свайго знаёмага, але нічога з гэтага не выйшла. Мужчыне пагражае да 7 гадоў пазбаўлення волі.
Працэс праходзіць у судзе Маладзечанскага раёна, ў чацвер ідзе допыт сведкаў.
Фотарэпартаж з Маладзечна, дзе школы атакавалі "тэрарысты"
