Пад Салігорскам перакуліўся школьны аўтобус з дзецьмі
![Пад Салігорскам перакуліўся школьны аўтобус з дзецьмі](/sites/default/files/styles/gallery_main/public/2023-08/salihorsk-1001-3.jpg.webp?itok=R-rFZhYF)
Каля вёскі Чаланец Салігорскага раёна сёння перакуліўся школьны аўтобус з пасажырамі, паведамляе прэс-служба МУС. ДТЗ адбылося 10 студзеня каля 7:50.
61-гадовы кіроўца школьнага аўтобуса МАЗ збіў на дарозе раварыста, які ехаў у спадарожным кірунку. пры гэтым школьны аўтобус з'ехаў у кювет і перакуліўся. 58-гадовы раварыст загінуў на месцы.
У салоне былі 11 дзяцей і трое настаўнікаў. Дзеці пры здарэнні, як паведамляецца, не пацярпелі. Адна з настаўніц была дастаўленая ў лякарню для аказання медыцынскай дапамогі.
На месцы здарэння працуюць супрацоўнікі ДАІ, следча-аператыўная група.
![Пад Салігорскам перакуліўся школьны аўтобус з дзецьмі](/sites/default/files/paragraphs/image/salihorsk-1001-1.jpg)
![Пад Салігорскам перакуліўся школьны аўтобус з дзецьмі](/sites/default/files/paragraphs/image/salihorsk-1001-2.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.