Лясны пажар у Столінскім раёне ліквідавалі
![Лясны пажар, ілюстрацыйнае фота](/sites/default/files/styles/gallery_main/public/2024-09/pazar-1009-2.jpg.webp?itok=KKe56MoB)
Лясны пажар, ілюстрацыйнае фота / прэс-служба МНС
Вялізны лясны пажар у Столінскім раёне ўдалося ліквідаваць, паведамляе прэс-служба МНС.
На тушэнні пажару былі задзейнічаныя 29 адзінак тэхнікі і 128 чалавек, у тым ліку тры адзінкі тэхнікі і 19 работнікаў МНС. Два верталёты Мі-8 і Мі-17, якія ўваходзяць у авіяцыю МНС, зрабілі 92 скіды вады.
Таксама Мінлясгас паведамляе, што дзяржлесахова ліквідавала пажар і на балоце Ельня. Там з агнём змагаліся каля 120 чалавек, у тым ліку чатыры работнікі МНС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.