Плошчу пажару ў Столінскім раёне зменшылі да 6 га
![Верталёт МНС](/sites/default/files/styles/gallery_main/public/2024-09/pazar-1009.jpg.webp?itok=F94KSb6w)
Верталёт МНС / МНС
Плошча ляснога пажару ў Столінскім раёне зменшаная да 6 га, паведамляе прэс-служба Міністэрства па надзвычайных сітуацыях.
З агнём на Альманскіх балотах працягваюць змагацца авіятары МНС. У панядзелак два верталёты Мі-8 і Мі-17 зрабілі 31 скід вады — гэта 93 тоны вады.
Сёння авіяцыя МНС зрабіла 42 скіды вады.
Пра пажар на забалочанай мясцовасці ў Палескім лясгасе стала вядома ў панядзелак. Спярша паведамлялася, што агонь захапіў тэрыторыю 50 га, потым называлася лічба ў 70 га. Для барацьбы з агнём было прыцягнута больш за два дзясяткі адзінак тэхнікі і больш за сто работнікаў лясной гаспадаркі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.