Падчас тэракту ў Марыупалі загінуў палкоўнік СБУ
Падчас тэракту ў Марыупалі загінуў палкоўнік СБУ. Машына Аляксандра Хараберуша была ўзарваная раніцай 31 сакавіка ў цэнтры горада. У афіцэра засталіся двое дзяцей, малодшай дачцы — два гады, інфармуе УНІАН.
Генпракурор Юрый Луцэнка распавёў, што ў выніку выбуху палкоўніку адарвала дзве нагі і ён памёр у “хуткай” ад страты крыві.
Старшыня Службы бяспекі Украіны Васіль Грыцак заявіў, што тэрарыстаў знойдуць і пакараюць у самыя кароткія тэрміны.
