Палітвязень Міхаіл Зубкоў абвясціў сухую галадоўку ў ШІЗА калоніі
Міхаіл Зубкоў / t.me/viasna96
У калоніі №14 у Навасадах абвясціў сухую галадоўку палітвязень з Гомеля Міхаіл Зубкоў, паведамляе Радыё "Свабода".
Ён пратэстуе супраць незаконнага змяшчэння ў штрафны ізалятар.
Зубкоў удзельнічаў у пратэстах у Гомелі ў 2020-м, потым выехаў у Расію. Там яго затрымалі і выдалі ў Беларусь, не зважаючы на забарону Еўрапейскага суда па правах чалавека. Зубкова асудзілі на тры гады калоніі.
Як паведамляла Еўрарадыё, у той жа калоніі, дзе адбывае тэрмін Зубкоў, днямі з акна выкінуўся зняволены.
