Паміж Віцебскам і Полацкам перавярнулася фура са швейцарскім шакаладам
Фура са швейцарскім шакаладам у кювеце / МУС Беларусі
Па дарозе з Полацка ў Віцебск з'ехала ў кювет і перакулілася фура. У ёй з Літвы перавозілі 28 тон швейцарскага шакаладу.
Выявілася, што кіроўца заснуў за рулём. У выніку ДТЗ ён не атрымаў сур'ёзных траўм.
Каб дастаць фуру з канавы, супрацоўнікам Дзяржаўтаінспекцыі давялося выклікаць буксір. Салодкі груз не пацярпеў — яго перамясцілі ў іншы грузавік.
