Папоў пра працэс футбаліста Шавеля: могуць судзіць і тых, хто думаў пра свабоду
У Мінску пачынаецца суд над футбалістам Расціславам Шавелем. Яго крымінальную справу разглядае суд Заводскага раёна (суддзя — Алег Каляда). 20-гадоваму спартсмену за ўдзел у пратэстах пагражае да трох гадоў пазбаўлення волі.
"Вось яно, адзінства, для рэжыму, — піша ў Instagram самбіст Сцяпан Папоў. — ...Сёння судзяць тых, хто выйшаў за свабоду, заўтра будуць судзіць тых, хто думаў выйсці за свабоду, а паслязаўтра — тых, хто адмовіўся выйсці супраць тых, хто падумаў пра свабоду!".
