Перад матчам з украінцамі футбольная зборная Беларусі апусцілася ў рэйтынгу
FIFA апублікавала абноўлены рэйтынг футбольных зборных. Зборная Беларусі займае ў ім 97-е месца, за месяц яна страціла 6 ачкоў і апусцілася на адзін радок. Побач — Лівія, Гватэмала і Аман.
5 верасня беларусы згуляюць у Львове з украінцамі ў матчы адбору на Еўра-2016. Зборная Украіны ў рэйтынгу FIFA паднялася на адзін радок і займае 29-ю пазіцыю.
Лідыруюць у рэйтынгу па-ранейшаму Аргентына, Бельгія і Нямеччына.
Фота: dinamo-minsk.by
