Польшча завяршыла будаўніцтва ахоўнага бар'ера на мяжы з Беларуссю
Працягласць плота — 186 кіламетраў, а вышыня — 5,5 метраў
Польшча завяршыла будаўніцтва ахоўнага бар'ера на граніцы з Беларуссю. Пра гэта паведаміў. прэс-сакратар міністра-каардынатара спецслужбаў у Польшчы Станіслаў Жарын.
“Нелегальны ўезд у Польшчу ў цяперашні час немагчымы. Сёння польская мяжа лепш за ўсё абаронена ў Еўропе”, — напісаў ён на сваёй старонцы ў Twitter.
Працягласць плота — 186 кіламетраў, а вышыня — 5,5 метраў. Яго пачалі будаваць пасля пачатку міграцыйнага крызіса.
У верасні 2022 года зафіксавана 1298 спроб незаконнага траплення ў краіну з боку Беларусі. У верасні ж мінулага года іх было 7667, паведамляе памежная служба Польшчы.
Polska skończyła budowę bariery ochronnej na granicy z Białorusią. Nielegalne przedostanie się do Polski jest obecnie niemożliwe. Polska granica jest dziś najlepiej chroniona w Europie. pic.twitter.com/LxC9fwXIuc
— Stanisław Żaryn (@StZaryn) October 1, 2022
