"Правы сектар" здаўся праваахоўнікам без зброі
Пра гэта напісаў на сваёй старонцы ў Facebook міністр унутраных спраў Украіны Арсен Авакаў.
"Пагрузіліся ў аўтобусы. Разам з супрацоўнікамі СБУ выехалі ў адзін з загарадных лагераў. Экперты МУС пачалі агляд апусцелага будынка", — перадае УНІАН словы кіраўніка МУС.
Як паведамляла Еўрарадыё, увечары 31 сакавіка ў цэнтры Кіева баец "Правага сектара" ўчыніў страляніну. Былі параненыя два чалавекі. Пазней стралка затрымалі і пасадзілі ў следчы ізалятар. Праваахоўнікі атачылі гатэль "Дняпро", дзе знаходзіўся штаб "Правага сектара", і запатрабавалі да раніцы здацца без зброі. У выніку, радыкалы з "Правага сектара" вырашылі здацца.
Фота — Reuters
