Прэзентацыя на Еўрарадыё: ЕР “Цырульня свету” ад гурта Bristol (слухаць)

Мінскі інды-гурт Bristol прэзентуе дэбютны максі-сінгл “Цырульня свету”. Ён складаецца з чатырох беларускамоўных песень, дзве з якіх — кавер-версіі. Адмыслова для ЕР лідар гурта Алег Вяль зрабіў пераклад песні "Video Games" амерыканкі Lana Del Rey ды песні "Out of Time" свайго былога гурта Hair Peace Salon.

“Мне захацелася паспрабаваць нешта новае, нешта змяніць у сваёй творчай працы, — тлумачыць Алег. — Я падумаў, што музыку наўрад ці атрымаецца памяняць, бо яна ўва мне, ды і інструменты ў абодвух гуртах тыя ж самыя, а вось мовай можна неяк усё гэта абыграць. І мне падаецца, што атрымалася. Ва ўсялякім выпадку, я задаволены тым, як гучаць на беларускай мове гэтыя трэкі”.

Праца над усімі трэкамі ЕР вялася яшчэ калі гурт Нair Рeace Salon не сышоў у бестэрміновы творчы адпачынак, адсюль і назва максі-сінгла “Цырульня свету” (англ. hair peace salon). Гэтым рэлізам музыкі хочуць “абазначыць заканчэнне аднаго і нараджэнне іншага этапу ў музыцы”.

Цяпер Bristol пачынае працаваць над дэбютны паўнавартасным альбомам. Праўда, пакуль музыкі не маюць ні прыкладных дат, ні адпрацаванага матэрыялу, “ёсць толькі моцнае жаданне”, прызнаецца Алег.

  • Трэк-ліст:
  • 1. Гэта магчыма
  • 2. Неба абраз
  • 3. Па-за часам (HPS - Out of time cover)
  • 4. Відэагульні (Lana Del Rey "Video games" cover)
  •  
  • Удзел у запісе:
  • Aleh Vialic (акустыка, вакал)
  • Макс Быкаў (гітара)
  • Гена Дроп-рэ (бас)
  • Alex Stepkinz (бубны)
  •  
  • Павел Сініла “Еverest Studio” (звядзенне, майстарынг)
  • Алена Раманенка (аўтар фота вокладкі)
  • Анастасія Тарачанка (афармленне, дызайн вокладкі)

Апошнія навіны

Галоўнае

Выбар рэдакцыі