Ад 1 чэрвеня ў Беларусі зноў падвысяць працоўныя пенсіі
Таксама з ростам інфляцыі ўрад абяцае “кампенсацыю заробкаў”. Але не праз павелічэнне тарыфнай стаўкі першага разраду.
Пра гэта на сённяшнім брыфінгу паведаміў намеснік міністра эканомікі Андрэй Тур. З яго словаў, кампенсаваць заробкі будуць усім катэгорыям работнікаў бюджэтнай сферы. Яны атрымаюць “роўны кампенсацыйны складнік”.
Таксама намеснік міністра эканомікі паабяцаў узмацніць адрасную сацыяльную дапамогу для людзей з нізкім прыбыткам. На гэтыя мэты спатрэбіцца 230-250 мільярдаў рублёў. Апроч таго, будуць створаныя ўмовы для самазанятасці для тых работнікаў, якія працуюць няпоўны тыдзень альбо знаходзяцца ў неаплатных адпачынках, паведамляе БелаПАН.
