Беларуская баскетбалістка Алена Леўчанка зноў будзе выступаць у жаночай НБА
7 лютага яна падпісала кантракт з клубам жаночай Нацыянальнай баскетбольнай асацыяцыі "Atlanta Dream".
Нагадаем, што баскетбалістка зборнай Беларусі і расійскага клуба УГМК Леўчанка была прызнаная найлепшай цэнтравой на чэмпіянаце свету 2010 года.
Як адзначае БелаПАН, у тым жа 2010 годзе спартоўка ўжо выступала за "Атланту" і дайшла разам з ёй да фіналу, атрымаўшы першынство ва Ўсходняй канферэнцыі.
У ЗША беларуска адправіцца адразу па завяршэнні чэмпіянату ў расійскай прэм'ер-лізе. Першая гульня "Атланты" запланавана на 19 траўня.