"Чарнобыльскі Шлях" зойме 2,5 гадзіны
Збор удзельнікаў прызначаны 26 красавіка на 18.30 каля кінатэатра "Кастрычнік".
Скончыцца акцыя павінна а 21-й на плошчы Дружбы народаў. Пра гэта арганізатары акцыі паведамілі 22 красавіка на прэс-канферэнцыі ў Мінску. Яны запрасілі ўдзельнікаў прыносіць на акцыю сцягі і транспаранты.
Дарэчы, напярэдадні "Чарнобыльскага Шляху", 25 красавіка, лідары апазіцыі паедуць у Чарнбыльскую зону. У паездцы прымуць удзел Анатоль Лябедзька, Віталь Рымашэўскі і прадстаўнік кампаніі "Гавары праўду". Удзельнікі паездкі яшчэ распрацоўваюць маршрут, але ўжо мяркуюць наведаць Хойнікі, Карму і, верагодна, Брагін.
Фота — bymedia.net
