Гомельскага актывіста Уладзіміра Няпомняшчых зноў затрымалі з-за майкі

"Прапаршчыку Юзэпенку, так ён назваўся, не спадабаліся надпісы на маёй футболцы. Наперадзе: "За Беларусь без Лукашэнкі", ззаду: "Хопіць, дастаў!" Прапаршчык завёў мяне ў дзяжурку, якая месціцца на вакзале, да дзяжурнага — падпалкоўніка Атаманчука", - паведаміў Няпомняшчых.

Паводле прадпрымальніка, падпалкоўнік Атаманчук патрабаваў спачатку зняць футболку, а калі Няпомняшчых стаў тэлефанаваць журналістам, заявіў, што ў дзяжурку ён дастаўлены для праверкі. Маўляў, каб праверыць, знаходзіцца ён у вышуку ці не.

Ўладзіміра адпусцілі без складання пратаколу. Футболку ён не зняў, заявіўшы, што зробіць гэта пасля таго, як напісанае на ёй здзейсніцца, паведамляе Радыё Свабода.