Мінскае “Дынама” не ўтрымала трэцяга месца ў чэмпіянаце краіны
4 лістапада ў матчы 30-га тура сярод каманд вышэйшай лігі сталічны клуб разышоўся ўнічыю з салігорскім “Шахцёрам” — 1:1.
А вось “Гомель”, які на некаторы час вылецеў з тройкі лідараў, разграміў аўтсайдэра “Тарпеда-БелАЗ” — 3:0 — і зноў вярнуўся на прызавы радок.
Нагадаем, што 3 лістапада прайшлі тры іншыя матчы 30-га тура. БАТЭ нечакана прайграў “Нафтану” — 0:1 і не змог датэрмінова стаць чэмпіёнам краіны. “Славія” не ўтрымалася перад “Нёманам” — 0:1, а “Мінск” згуляў унічыю з “Белшынай” — 2:2.
