На варшаўскі семінар прыехалі і прадстаўнікі афіцыйнага Мінску?

Гэта адзін з крокаў новай ініцыятывы Еўрасаюза для Беларусі "Еўрапейскі дыялог з беларускім грамадствам для мадэрнізацыі".

Асноўныя пытанні, якія абмяркоўваюцца на семінары “Прыватызацыя і прыватнае прадпрымальніцтва”: як правесці выніковую прыватызацыю, што яна прынесла б Беларусі і як у правядзенні эканамічных рэформаў Еўрасаюз можа дапамагчы нашай краіне? 

Для ўдзелу ў мерапрыемстве прыехалі не толькі некалькі дзесяткаў беларускіх апазіцыянераў, але, паводле неафіцыйнай інфармацыі, і нейкія бізнесмены, "блізкія да кіраўніцтва Беларусі".

На пытанні журналістаў адказвае міністр замежных спраў Польшчы Радаслаў Сікорскі.

На адкрыццё семінара былі запрошаныя кіраўнік польскага МЗС Радаслаў Сікорскі і еўракамісар па пашырэнні Еўрасаюза і палітыцы суседства Штэфан Фюле.