Падчас канцэрта ў Мінску бубнач Jane Air упаў са сцэны (фота+інтэрв'ю)
Гэта адбылося ў клубе Re:Public 28 студзеня, прыкладна ў 20:55, праз гадзіну пасля пачатку канцэрта.
Пад Антонам Сагачка паламаўся подыюм для бубнаў. Ён зваліўся са сцэны спінай наперад, ударыўся галавой аб цагляную сцяну за сцэнай і пабіў нагу і плячо.
Канцэрт перарваўся. За кулісамі ўдзельнікі гурта прыклалі да галавы Антона мокры рушнік. Ад больш істотнай дапамогі хлопец адмовіўся і сказаў, што здольны працягваць выступ.
Праз некалькі хвілінаў гурт выйшаў на сцэну і зайграў кавер на песню "Wonderwall" гурта Oasis. Пасля перад гледачамі з'явіўся сам бубнач і распавёў пару показак. У гэты час працаўнікі сцэны адрамантавалі подыюм.
Праз 10 хвілінаў пасля падзення імпрэза аднавілася.
Пасля таго, як Jane Air скончылі канцэрт, Еўрарадыё трапіла ў грымёрку і распытала музыкаў пра тое, што адбылося:
Jane_Air_interview_Euroradio.mp3
Неўзабаве на Еўрарадыё з'явіцца фотарэпартаж з канцэрта Jane Air у Мінску.