Палітвязень Зміцер Дашкевіч не можа нармальна рухацца
У яго выявілі запаленне цэнтральнага нерва. Зняволенаму колюць абязвольваючыя лекі.
Паводле звестак яго жонкі Насты Дашкевіч, гэта толькі часовая лекаванне і далей Змітру патрэбная сталая медыцынская дапамога.
Днямі ліст ад Змітра Дашкевіча атрымаў палітвязень Павал Севярынец, які адбывае “хімію” ў Пружанскім раёне. Павал Севярынец адзначае, што і гэты ліст ад Дашкевіча, як і былыя, вельмі аптымістычны і светлы. “Пра сваю хваробу ён нічога не напісаў, але гэта як заўсёды — ён ніколі не скардзіцца на здароўе, што б з ім ні было”, — сказаў Павал Севярынец у інтэрв’ю Радыё Свабода.
