Плануецца даследаваць генафонд беларускіх татар
Пра гэта паведаміў муфцій Мусульманскага рэлігійнага аб'яднання Абу-Бекір Шабановіч.
Паводле яго словаў, з такой ініцыятывай выступілі генэтыкі Нацыянальнай Акадэміі Навук. Яны звярнуліся па садзейнічанне да муфція, таму што для даследавання патрэбныя тыя, хто захаваў этнічную чысціню. Як паведамляе "СБ", Абу-Бекір Шабановіч ужо паразмаўляў з татарамі з Іўя ды і сам гатовы паўдзельнічаць у праекце.
Адзначым, што татары жывуць на беларускай зямлі ўжо больш за 600 гадоў. Між іншым, яны ўдзельнічалі на баку ВКЛ і Польшчы ў славутай Грунвальдскай бітве.
Фота — bymedia.net
