Расія мяркуе, што эканамічныя санкцыі супраць Мінска закрануць яе інтарэсы
Пра гэта заявіў пастаянны прадстаўнік Расіі пры Еўрасаюзе Уладзімір Чыжоў у эфіры тэлеканала "Расія 24".
Па словах Чыжова, якія перадае БелаПАН, беларуская эканоміка шмат у чым арыентаваная на экспарт. Між тым, кажа дыпламат, ступень інтэграцыі эканомік Беларусі і Расіі нарастае. Эканамічныя санкцыі будуць мець непасрэднае ўздзеянне на расійскія інтарэсы, і не застануцца без увагі Расіі, заяўляе Чыжоў.
На яго думку, "канчатковай мэтай санкцый з'яўляецца змена рэжыму".
Фота — newsbalt.ru
