Свастыкі на вуліцах Мінска (фота)
Для здымкаў фільма ў панядзелак кіношнікі "закамуфлявалі" вуліцу Карла Маркса пад Берлін.
Здымаецца эпізод з 4-серыйнага фільма "Сляды апосталаў". Героі серыяла шукаюць скарбы князёў Радзівілаў і падарожнічаюць у часе. Раней здымкі праходзілі ў Нясвіжы.
Аўтар кнігі, паводле якой здымаецца фільм, Андрэй Вастравумаў распавёў Еўрарадыё: “Цяпер па кнізе здымаецца фільм, чатырохсерыйны. Гэта беларускі праект. Ігар Сігаў тут здымаецца, "галоўны злодзей", і галоўны герой — Дзіма Мухін. Дзве сюжэтныя лініі: сучаснасць — гэта ў Нясвіжскім замку здымаецца. І другая — 1942 год. Пачатак у Берліне і потым пераносіцца на Нясвіж”.
