У Брэсце падпал травы мог перарасці ў пажар (фота)
Палаючыя траву і трыснёг раздзьмухваў моцны вецер.
Агонь пагражаў аўтасэрвісу на вуліцы Фарцечная. Ён меў такую сілу, што нават распаўсюджваўся супраць ветру на прылеглыя да закінутай будоўлі гародніннай базы агароды і хацінкі на іх. Але шлях агню закрылі пажарныя. Не выключана, што траву падпалілі.
Дарэчы, за наўмысны падпал травы пагражае да 1 мільёна 400 тысяч рублёў штрафу (з 1 красавіка — 4 мільёны рублёў).
