У Гомелі зламыснікі скралі дзве пчаліныя сям’і разам з вульямі
Страты, якія панёс гаспадар вульяў, ацэньваюцца ў 800 тысяч рублёў.
Намеснік пракурора Чыгуначнага раёну Гомеля Ўладзіслаў Журакоўскі лічыць, што здзейсніць такое злачынства маглі толькі спецыялісты. Звычайных злодзеяў пчолы наўрад ці б зацікавілі. Да таго ж, калі б гэта былі недасведчаныя людзі, то пчолы маглі б іх нават пагрызці, ажно да анафілактычнага шоку.
Разам з тым Уладзіслаў Журакоўскі адзначае, што ў ягонай практыцы гэта першы выпадак, калі крадуць насякомых, паведамляе БелаПАН.
