У Магілёве пройдзе акцыя “Ноч музеяў”
Мерапрыемства ахопіць тры музеі, дзе наведнікам прапануюць разнастайныя праграмы.
Так, Магілёўскі мастацкі музей імя Бялыніцкага-Бірулі арганізуе рознага кшталту музычна-літаратурныя імпрэзы, а таксама экспазіцыю “Чары ночы” мастака Сяргея Цімохава.
Музей гісторыі Магілёва пакажа сваім наведнікам экспазіцыю скураных вырабаў XV-XVII стагоддзяў. Пройдзе там і выстава аднаго экспаната — бізуна, які выкарыстоўваўся для пакарання ў эпоху Магдэбургскага права.
Мясцовы краязнаўчы музей з праграмай на “Ноч музеяў” яшчэ не вызначыўся, паведамляе БЕЛТА.
