У Пінску сябра мастацкай суполкі “Пагоня” зладзіў сваю выставу (фота)
Выстава “Процілегласці” вядомага мастака Янкі Рамановіча адкрылася ў пінскім Музеі Беларускага Палесся.
Аматарам мастацтва Янка прадставіў свае творы супрацьлеглай тэматыкі: біблейскія сюжэты, выявы паганскіх багоў, дзіцячыя партрэты і маляўнічыя краявіды.
Янка Рамановіч жыве ў вёсцы Моталь на Брэстчыне, мастак правёў больш за дваццаць персанальных выставаў. Яго творы ёсць у прыватных калекцыях, карцінных галерэях і музеях Беларусі, ЗША і Еўрапейскіх краінаў.