У сталіцы будуць змагацца з неабгрунтаваным падвышэннем коштаў
Мінгарвыканкам стварыў групу, якая будзе кантраляваць, каб не было фактаў неабгрунтаванага падвышэння коштаў на тавары гэтак званага "народнага" спажывання”.
Пра гэта заявіў начальнік упраўлення гандлю і паслуг Мінгарвыканкама Андрэй Новікаў.
Новікаў: "У гэтую рабочую групу ўключаны прадстаўнікі гандлю, прадстаўнікі антыманапольнай і коштавай палітыкі, галоўнага ўпраўлення спажывецкага рынку, таксама прадстаўнікі кантралюючых структур. Мы правялі нараду, куды запрасілі асноўных пастаўшчыкоў харчовых і нехарчовых тавараў, прадстаўнікоў буйных рознічных гандлёвых сетак і звярнуліся да іх з просьбай несці пэўную сацыяльную адказнасць, і сёння бізнес адгукнуўся".