Украінец вёз на радзіму каноплі з Беларусі
На ўкраінска-беларускай мяжы ў кіеўляніна, які вяртаўся з Беларусі, у асабістых рэчах былі знойдзены каноплі.
Пра гэта інфармуе прэс-служба транспартнай міліцыі Львоўскай чыгункі. 32-гадовы мужчына быў затрыманы на вакзале станцыі Забалоцце ў Валынскай вобласці Украіны. Як прызнаўся сам украінец, каноплі ён прывёз з Беларусі.
Рэчыва канфіскавана і адпраўлена на даследаванне ў экспертна-крыміналістычны цэнтр. Праводзіцца праверка па артыкуле 305 Крымінальнага кодэкса Украіны "Кантрабанда наркатычных сродкаў".
