Ветэраны заступіліся за "Нашу Ніву" і "Народную волю"
Адмысловы зварот прынялі сябры Гродзенскага грамадскага аб’яднання ветэранаў вайны, Узброеных Сілаў і працы.
У звароце ветэранаў адзначаецца: "Нас хочуць пазбавіць аб’ектыўнай інфармацыі аб тым, што адбываецца на Радзіме і за яе межамі. Гэта сапраўдны тэрор, які скіраваны на тое, каб замаўчаць праўду. Тую праўду, якой павінен жыць народ Беларусі".
Ветэраны патрабуюць ад чыноўнікаў Міністэрства інфармацыі адмовіцца ад сваіх намераў і не зачыняць "Нашу Ніву" і "Народную волю", перадае nn.by. Пад зваротам падпісаліся больш за 10 чалавек.
