Юны беларускі піяніст заняў 4-е месца на конкурсе Шапэна ў Пекіне
Беларус Андрэй Шычко быў адным з 28 піяністаў не старэйшых за 16 год, якія бралі ўдзел у міжнародным музычным спаборніцтве.
Конкурс завяршыўся сёння, 26 траўня. Ён праходзіў у Пекінскай тэатральна-канцэртнай зале “Шыцзы”. У праграме конкурсных праслухоўванняў былі творы славутага польскага кампазітара Фрэдэрыка Шапэна, паведамляе БЕЛТА.
Заснавальнікамі гэтага конкурсу з’яўляецца Таварыства Шапэна ў Маскве і ўпершыню ён прайшоў у 1992 годзе ў расійскай сталіцы.