Сабаленка выйграла першы паядынак на Australian Open
Арына Сабаленка выйграла першы паядынак на Australian Open і выйшла ў 1/32 фіналу. У аўторак беларуская тэнісістка, другая ракетка свету перамагла аўстралійку Сторм Сандэрс (128-я ў сусветным рэйтынгу) — 5:7, 6:3, 6:2.
Матч для Сабаленка быў нялёгкі, асабліва на пачатку. Яна дапусціла 12 двайных памылак, нервавалася і два разы непрыгожа выказвалася пра заўзятараў і іх рэакцыю на яе гульню. Але ў выніку ўсё скончылася для беларускі добра. Такім чынам спынена серыя паражэнняў.
Наступная саперніца — Ван Сіньюй (100) з КНР.
Раней у 1/32 фіналу адкрытага чэмпіянату Аўстраліі выйшла Вікторыя Азаранка (25). Яна сустрэнецца з Джыл Белен Тайхман (34) са Швейцарыі.
Comeback complete
— #AusOpen (@AustralianOpen) January 18, 2022
From a set and a break down, @SabalenkaA survives Storm Sanders 5-7 6-3 6-2 to reach the second round at the #AusOpen.#AO2022 pic.twitter.com/ivCqjQSFOU
