Штабы Ціханоўскай, Бабарыкі і Цапкалы аб'явілі пра аб'яднанне
Штабы Святланы Ціханоўскай, Віктара Бабарыкі і Валерыя Цапкалы аб'явілі пра аб'яднанне. Адбылося гэта па выніках сустрэчы іх прадстаўнікоў, якая прайшла 16 ліпеня. На здымку бачым кандыдата ў прэзідэнты Святлану Ціханоўскую, прадстаўніцу штабу Бабарыкі Марыю Калеснікаву і жонку Валерыя Цапкалы Вераніку Цапкала.
Абвешчаныя пяць асноўных прынцыпаў перадвыбарнай кампаніі. Сярод іх — заклік прыйсці на выбары 9 жніўня і прагаласаваць; абяцанне вызваліць палітвязняў, эканамічных зняволеных і права на перагляд спраў у незалежных і сумленных судах; абяцанне правядзення паўторных сумленных выбараў пасля 9 жніўня 2020-га; інфармаванне выбаршчыкаў "аб неабходнасці абараняць свой голас рознымі спосабамі"; заклік да ўдзелу ў ініцыятывах па назіранні за выбарамі.
Як вядома, Віктар Бабарыка і Валерый Цапкала не былі зарэгістраваныя кандыдатамі ў прэзідэнты.
Народ Беларуси, объединяйтесь!https://t.co/ArYawKdIhz
— Валерий Цепкало (@ValeryTsepkalo) July 14, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
