Што звязвае армянскі дудук з беларускім фальклорам?
Карынэ Дрнаян — адзіная ў Беларусі дзяўчына, якая грае на дудуку.
Амерыканскі пісьменнік Джон Уільямс параўноўвае музыку дудука з малітвай, але магчымасці гэтага старадаўняга армянскага інструмента нашмат шырэйшыя. Зроблены з абрыкосавага дрэва дудук выдае гукі, якія могуць ператварыць нават самую простую мелодыю ў дзівосны і глыбокі па гучанні твор. Дудук можна пачуць у фільмах "Гладыятар", "Пах жанчыны", "Доктар Жывага", а 26 лютага ён загучыць у эфіры Еўрарадыё. Наша госця Карынэ Дрнаян — адзіная дзяўчына, якая змагла "прыручыць" дудук у Беларусі. Гаворым пра інструмент, актуальнасць яго гучання, даведаемся, як захапленне ігрой на армянскім дудуку натхняе музыканта клапаціцца пра адраджэнне беларускага нацыянальнага фальклору і чаму гэта бывае не так проста.
