Следам за Пуціным у Мінск прыбыў новы міністр абароны Расіі Андрэй Белавусаў
Міністр абароны РФ Андрэй Белавусаў і міністр абароны РБ Віктар Хрэнін / "Ваяр"
24 мая ў Мінск прыляцеў новы міністр абароны Расіі Андрэй Белавусаў. У аэрапорце яго сустрэў беларускі калега Віктар Хрэнін.
Як паведамляе прэс-служба Мінабароны РБ, запланаваны іх "сумесны ўдзел у мерапрыемствах паводле плану" сустрэчы Аляксандра Лукашэнкі і Уладзіміра Пуціна.
Кіраўнік Расіі прыляцеў у Мінск напярэдадні ўначы. На відэа было бачна, што трап, па якім ён спускаўся з самалёта, быў прыкрыты куленепрабівальным шклом.
Паводле звестак тг-канала "Мотолькопомоги", у Мінск таксама ляціць кіраўнік МЗС Расіі Сяргей Лаўроў. Акрамя таго, ужо цяпер у Беларусі перабывае гендырэктар "Расатама" Аляксей Ліхачоў.
