Спецаперацыю ў Славянску прыпынілі з-за пагрозы расійскай атакі
Пра гэта паведамляюць украінскія СМІ, якія спасылаюцца на крыніцы сярод сілавікоў.
Нагадаем, раніцай 24 красавіка ўкраінскія сілавікі правялі "разведку боем": ліквідавалі тры блокпасты на ўскраінах Славянска, забілі сем баевікоў. Пасля гэтага праваахоўнікі адступілі на ранейшыя пазіцыі.
Паводле звестак украінскай разведкі, рызыка ўварвання расійскіх войскаў на тэрыторыю Украіны значна вырасла — працягваецца канцэнтрацыя падраздзяленняў Узброеных Сілаў Расіі. Украінскі ўрад з-за гэтага пераглядае план правядзення ва ўсходніх абласцях антытэрарыстычнай аперацыі.
Фота — Reuters
