“Свабода слова? Не, не чулі” — як абараніць журналістаў?
У 2020 годзе журналістаў у Беларусі затрымлівалі 480 разоў. 97 разоў журналісты адбывалі адміністрацыйны арышт. Пасля 9 жніўня ў дачыненні да журналістаў 62 разы прымянялі фізічны гвалт. Сюды можна дадаць 15 крымінальных спраў у дачыненні да журналістаў і тое, што дзесяць нашых калег да гэтага часу знаходзяцца за кратамі. А яшчэ – блакіроўку сайтаў, канфіскацыю тэхнікі, пазбаўленне статусу СМІ. Прычым усё вышэй пералічанае працягваецца і ў 2021 годзе.
Наколькі апраўданымі былі рэпрэсіі супраць СМІ і журналістаў? Ці здолела журналісцкая супольнасць аб’яднацца ў такой сітуацыі? Чаго чакаць ад суда над журналістамі TUT.by і Белсат і хто абароніць журналістаў? На гэтыя ды іншыя пытанні адказваюць юрыст, намеснік старшыні Беларускай асацыяцыі журналістаў Алег Агееў і медыяэксперт Паўлюк Быкоўскі.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
