Толькі ў Магілёўскай вобласці сёлета сотні разоў "абражалі" прадстаўнікоў улады

Толькі ў Магілёўскай вобласці сёлета зарэгістравалі "больш за дзве сотні злачынстваў", прадугледжаных артыкулам 369 КК "Абраза прадстаўніка ўлады". У асноўным гэта датычыць міліцыянераў. Тры крымінальныя справы ўжо разгледзілі суды. Ва ўсіх выпадках супрацоўнікі міліцыі прэтэндуюць на "матэрыяльную кампенсацыю маральнай шкоды".

У 2021-м на Магілёўшчыне за абразу аднаго міліцыянера распачалі аж шэсць крымінальных спраў. Паколькі "абразы" працягваюцца, прэс-служба магілёўскай міліцыі ў чарговы раз папярэджвае жыхароў вобласці пра "рэальную крымінальную адказнасць".