Топ-5: навіны 23 траўня
![Топ-5: навіны 23 траўня](/sites/default/files/styles/gallery_main/public/2023-08/maxresdefault_24.jpg.webp?itok=lSIDXt3m)
Паротнікаў: Правакацыі падчас вучэнняў магчымыя, але не расійская агрэсія
Расія плануе ўвесці на тэрыторыю Беларусі 200 тысяч вайскоўцаў. Гэта адбудзецца падчас вераснёўскіх расійска-беларускіх ваенных вучэнняў “Захад-2017”. Пра гэта заявіў экс-дарадца Уладзіміра Пуціна Андрэй Іларыёнаў.
На яго думку, такі крок можа стаць пачаткам гібрыднай агрэсіі Расіі супраць Беларусі.
Еўрарадыё высветліла, наколькі рэальны такі прагноз вядомага расійскага эксперта.
![Топ-5: навіны 23 траўня](/sites/default/files/paragraphs/image/penk.jpg)
Сталі вядомыя падрабязнасці гучнага інцыдэнта з новым мэрам Оршы Леанідам Пянькоўскім, да якога ўварваліся сілавікі.
Высветлілася, што чыноўніка не маглі знайсці на працы, таму вырашылі праверыць, дзе ён знаходзіцца. Апынулася, што ён быў у сваім доме, а на працу не выходзіў, бо дрэнна сябе адчуваў.
У сваю чаргу, на дзеянні праваахоўнікаў сур’ёзна абурыўся Аляксандр Лукашэнка. Ён заявіў, што сілавікі не маюць права абшукваць людзей, якіх прызначае кіраўнік краіны.
![Топ-5: навіны 23 траўня](/sites/default/files/styles/round_photo/public/paragraphs/round_photo/img1835-1-1024x683.jpg.webp?itok=2UamUOBm)
Былы намеснік старшыні Руху “За Свабоду” Алесь Лагвінец, стварае новы грамадскі рух, які атрымаў назву “Дзея”.
Па словах палітыка, такая ідэя з’явілася ў яго і шэрагу паплечнікаў яшчэ ў студзені бягучага года. А 20 траўня заснавальнікі новага грамадскага руху правялі свой устаноўчы сход.
Лагвінец кажа, што цяпер у іх ёсць тры тыдні на падрыхтоўку і падачу дакументаў на рэгістрацыю ініцыятывы.
![Топ-5: навіны 23 траўня](/sites/default/files/paragraphs/image/zarobak-2305.jpg)
Максімальная розніца паміж жаночымі і мужчынскімі заробкамі ў Беларусі назіраецца ў IT-сферы. Пра гэта паведамляе Белстат.
Жанчыны ў гэтай галіне атрымліваюць амаль на 40% менш за мужчын. У абсалютных лічбах гэтая розніца складае прыкладна 1300 рублёў. І гэта пры тым, што доля жанчын у IT-сферы складае больш за траціну.
![Топ-5: навіны 23 траўня](/sites/default/files/paragraphs/image/tommasso-debenedetti.jpg)
Італьянскі журналіст Тамаза Дэбенедэці, які запусціў фэйк пра смерць Святланы Алексіевіч, растлумачыў, навошта ён гэта зрабіў.
Акрамя таго, у эксклюзіўным інтэрв’ю Еўрарадыё рэпарцёр распавёў, чым яго прываблівае беларуская пісьменніца і чаму ён лічыць Святлану Алексіевіч прыкладам мужнасці.