У Беларусь прыляцеў другі расійскі знішчальнік МіГ-31К — "Беларускі Гаюн"
Знішчальнік Міг-31К / defence-blog.com
У Беларусь прыляцеў другі за суткі знішчальнік МіГ-31К Паветрана-касмічных сіл Расіі, піша маніторынгавы праект "Беларускі Гаюн".
Паведамляецца, што расійскі самалёт прызямліўся на аэрадроме ў Мачулішчах пад Мінскам.
Як расказвала Еўрарадыё, увечары 9 кастрычніка на той жа аэрадром прыляцеў першы расійскі знішчальнік МіГ-31К.
Гэтыя самалёты могуць несці на сабе гіпергукавыя аэрабалістычныя ракеты Х-47М2 "Кінжал" і здольныя запускаць іх на адлегласці 2000 км, адзначае "Беларускі Гаюн".
Апошні раз расійскія знішчальнікі такога тыпу з'яўляліся ў Беларусі паўтара года таму.
