У Беларусі 10% камп'ютараў кантралююць хакеры

У Беларусі 10% камп'ютараў кантралююць хакеры. Гэтая лічба прагучала на круглым стале, прысвечаным праблематыцы інфармацыйнай бяспецы ў інтэрнэце, які праходзііць у Мультымедыйным прэс-цэнтры Sputnik Беларусь. Як інфармуе прэс-служба МУС, 70% крымінальных спраў па кіберзлачыннасці распачыналіся з-за бязладнасці арганізацый, якія не змяняюць пароляў пасля сыходу з працы супрацоўнікаў. І апошнія нярэдка выкарыстоўваюць дадзеныя ў злачынных мэтах.

Начальнік упраўлення "К" МУС Вадзім Усціновіч паведаміў, што сёлета зарэгістравана ўжо каля 2500 злачынстваў у сферы высокіх тэхналогій. У параўнанні з мінулым годам колькасць такіх правапарушэнняў вырасла прыкладна на тысячу. "І тэндэнцый да змяншэння няма", — дадаў праваахоўнік.