У Беларусі "недабралі" дарожную пошліну з замежных аўто

У Беларусі "недабралі" дарожную пошліну з замежных аўто, закладзеную ў бюджэт мінулага года. Гэта вынікае з "Закону аб выкананні бюджэту на 2017 год".

Так, збор за праезд аўтамабільных транспартных сродкаў замежных дзяржаў па аўтамабільных дарогах агульнага карыстання быў закладзены ў бюджэт у памеры 16,5 мільёна рублёў. А сабралі, як паведамляецца ў новым законе, 13 млн 614 тысяч 699 рублёў. Гэта на 2,885 мільёна рублёў (1,442 мільёна долараў) менш, чым было запланавана.