У Беларусі падлічылі мядзведзяў
![Мядзведзяў становіцца больш, і яны вандруюць у пошуку харчавання, месца для жыцця](/sites/default/files/styles/gallery_main/public/2023-10/miszki.jpg.webp?itok=oa0N6etT)
Мядзведзяў становіцца больш, і яны вандруюць у пошуку харчавання, месца для жыцця / pixabay.com
У Беларусі падлічылі мядзведзяў. Іх налічваецца каля 700. А яшчэ каля дзесяці гадоў таму было не больш за 120. У Мінлесгасе кажуць, што раней мядзведзі жылі пераважна ў лясах на поўначы нашай краіны. Цяпер жа яны заходзяць і ў паўднёвыя рэгіёны. З часоў Другой сусветнай вайны выпадкаў нападаў мядзведзя на чалавека ў Беларусі не рэгістравалася. Адзін інцыдэнт адбыўся некалькі таму гадоў, але там чалавек сам справакаваў жывёлу, піша sb.by.
У апошнія гады мядзведзі ў Беларусі пачалі выходзіць да дарог і населеных пунктаў. Навукоўцы кажуць, што плошча лясоў скарачаецца (праз высечку і пажары), а мядзведзяў становіцца больш. І яны вандруюць у пошуку харчавання, месца для жыцця.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.